सावंतवाडी (सांगेली): शालेय शिक्षण विभागाच्या कोकण विभागीय शिक्षण मंडळ च्या सदस्य पदी सांगेली माध्यमिक विद्यालय व कनिष्ठ महाविद्यालयाचे प्राचार्य रामचंद्र घावरे यांची नियुक्ती झाली आहे. प्राचार्य रामचंद्र दशरथ घावरे यांचे शिक्षण क्षेत्रातील अनुभव व योगदान विचारात घेता अतिशय योग्य व्यक्तीची नियुक्ती झाली असल्याचे मत शैक्षणिक क्षेत्रातील मान्यवरांकडून व्यक्त केले जात आहे. कोकण विभागीय मंडळात रत्नागिरी व सिंधुदुर्ग या दोन जिल्ह्यांचा समावेश होतो. प्राचार्य रामचंद्र दशरथ घावरे यांच्या नियुक्तीनंतर त्यांच्या शैक्षणिक क्षेत्रातील मित्रपरिवार व संस्थेचे सर्व संचालक व सदस्य तसेच सांगेली दशक्रोशीतील ग्रामस्थांकडून त्यांचे अभिनंदन केले जात आहे.
