रवींद्र जडेजा याने ऑस्ट्रेलिया विरुद्धच्या या टेस्ट सीरिजमधून कमबॅक केलं. जडेजाने या पहिल्याच कसोटीतील पहिल्याच डावात धमाका केला. जडेजाने कांगारुंना फिरकीवर नाचवत 5 विकेट्स घेतल्या.
नागपूर : टीम इंडियाचा ऑलराउंडर रवींद्र जडेजा याने शानदार एन्ट्री केली आहे. जडेजाने बॉर्डर गावसकर कसोटी मालिकेतील पहिल्याच कसोटी सामन्यात कांगारुंना जेरीस आणलं. जडेजा पहिल्या डावात 5 विकेट्स घेत अर्धी टीम माघारी पाठवली. तसेच जडेजाने मोठा रेकॉर्ड ब्रेक केला. जडेजाच्या या फिरकीच्या जादूवर ऑस्ट्रेलियाचा पहिला डाव हा 63.5 ओव्हरमध्ये 177 धावांवर आटोपला. जडेजाने ऑस्ट्रेलियाच्या फलंदाजांच्या नाकी नऊ आणले. जडेजाने आपल्या एकूण 22 ओव्हरमध्ये 47 धावांच्या मोबदल्यात 5 विकेट्स घेतल्या. जडेजाने या 22 पैकी 8 ओव्हर मेडन टाकल्या.
विराट कोहली, टीम इंडियाचा स्टार बॅट्समन. जितका चांगला फलंदाज त्यापेक्षा कित्येक पट उत्तम फिल्डर. मात्र विराटने नागपूरमध्ये ऑस्ट्रेलिया विरुद्धच्या पहिल्या कसोटी सामन्याच्या पहिल्या दिवशीच मोठी घोरचूक केली. अक्षर पटेल बॉलिंग करत होता. अक्षरने टाकलेला बॉलवर स्टीव्हनच्या बॉलला कट लागला. कट लागून बॉल स्लीपच्या दिशेने गेला. तिथे विराट होता. मात्र विराटकडून ती कॅच सटकली आणि स्टीव्हनला जीवनदान मिळालं. ही कॅच सोपी नव्हती. टीम इंडियाला विराटची ही चूक महागात पडली असती. मात्र वेळीच विराटकडून झालेली चूक रवींद्र जडेजा याने सुधारली, ज्यामुळे टीम इंडियाची वाढत
जडेजाने मार्नल लाबुशेन, स्टीव्ह स्मिथ, मॅट रेनशॉ, पीटर हँड्सकॉम्ब आणि टॉड मर्फी या पाच जणांना मैदानाबाहेरचा रस्ता दाखवला. ऑस्ट्रेलियाकडून मार्नस लाबुशेनने सर्वाधिक 49 धावा केल्या. स्टीव्ह स्मिथने 37 रन्सचं योगदान दिलं. विकेटकीपर एलेक्स कॅरीने 36 रन्स केल्या. तर पीटर हँड्सकॉम्बने 31 धावा जोडल्या.
अश्विनच्या 450 विकेट्स
जडेजानंतर सर्वाधिक विकेट्स आर अश्विनने घेतल्या. अश्विनने 3 विकेट्स घेतल्या. अश्विनने एलेक्स कॅरीला आऊट करत मोठा कारनामा केला.
अश्विनने कसोटी क्रिकेटमध्ये 450 विकेट्सचा टप्पा पूर्ण केला. अश्विन याने 89 व्या सामन्यात ही कामगिरी केली. अश्विन यासह टीम इंडियाकडून सर्वात कमी 89 सामन्यांमध्ये 450 विकेट्स घेतल्या. यासह अश्विनने 18 वर्षांपूर्वीचा टीम इंडियाच्या अनिल कुंबळे याचा रेकॉर्ड ब्रेक केला. कुंबळे याने आजपासून 18 वर्षांपूर्वी 2005 मध्ये 93 सामन्यांमध्ये 450 विकेट्स घेतल्या होत्या.
सूर्यकुमार आणि भरतचं कसोटी पदार्पण
ऑस्ट्रेलिया विरुद्धच्या पहिल्या कसोटीतून टीम इंडियाकडून सूर्यकुमार यादव आणि केएस भरत या दोघांनी पदार्पण केलं आहे. सूर्यकुमार टीम इंडियाकडून तिन्ही फॉर्मेटमध्ये वयाच्या तिशीनंतर पदार्पण करणारा खेळाडू ठरला आहे.
टीम इंडिया प्लेइंग 11 : रोहित शर्मा (कॅप्टन), केएल राहुल, चेतेश्वर पुजारा, विराट कोहली, सूर्यकुमार यादव, एस भरत (विकेटकीपर), अक्षर पटेल, रविचंद्रन अश्विन, रविंद्र जाडेजा, मोहम्मद शमी आणि मोहम्मद सिराज.
