सावंतवाडी प्रतिनिधी: अखिल महाराष्ट्र प्राथमिक शिक्षक संघ, सावंतवाडी शाखेच्या वतीने सामाजिक बांधिलकी आणि विद्यार्थी हिताला सर्वोच्च प्राधान्य देत, दिनांक 19 नोव्हेंबर रोजी शिक्षकांसाठी एक महत्त्वपूर्ण शिष्यवृत्ती मार्गदर्शन वर्गाचे यशस्वीरित्या आयोजन करण्यात आले. या एकदिवसीय वर्गाला सावंतवाडी तालुक्यातील प्राथमिक शिक्षकांनी मोठ्या संख्येने उपस्थिती दर्शवली.
प्राथमिक स्तरावरील शिष्यवृत्ती परीक्षांमध्ये विद्यार्थ्यांची गुणवत्ता वाढावी, यासाठी शिक्षकांना अद्ययावत माहिती आणि प्रभावी अध्यापन पद्धतींचे मार्गदर्शन करणे हा या वर्गाचा मुख्य उद्देश होता. विद्यार्थी हा केंद्रबिंदू मानून अखिल महाराष्ट्र प्राथमिक शिक्षक संघाने हा विधायक उपक्रम राबवला. या मार्गदर्शन वर्गाच्या उद्घाटन समारंभाला शिक्षण क्षेत्रातील अनेक मान्यवर उपस्थित होते. त्यांच्या उपस्थितीमुळे कार्यक्रमाला विशेष महत्त्व प्राप्त झाले.
प्रमुख पाहुणे: मा. ग. शि. अ. मा श्रीम सविता परब मॅडम, संघटनेचे राज्य उपाध्यक्ष मा श्री म. ल देसाई सर,गटसमन्वयक: मा. ठाकूर सर, आर पी डी हायस्कूल च्या मुख्याध्यापिका मा श्रीम कशाळीकर मॅडम, राज्य संघटक मा श्रीम सृष्टी पाटील मॅडम, संघ जिल्हाध्यक्ष: मा. लक्ष्मण वळवी सर संघ जिल्हासचिव मा. महेश पालव सर, जिल्हा महिला अध्यक्षा मा. वेंगुर्लेकर मॅडम माजी सचिव श्री बाबाजी झेंडेयाशिवाय, तालुक्यातील सर्व केंद्रप्रमुख आणि संघाचे अन्य पदाधिकारी मोठ्या संख्येने उपस्थित होते.
मार्गदर्शन वर्गात तज्ज्ञ मार्गदर्शकांनी नवीन अभ्यासक्रम आणि प्रश्नपत्रिका स्वरूप: शिष्यवृत्ती परीक्षेच्या बदललेल्या अभ्यासक्रमानुसार तयारी कशी करावी, यावर मार्गदर्शन, वेळेचे नियोजन व जलद गतीचे तंत्र: परीक्षेमध्ये वेळ व्यवस्थापन कसे करावे आणि गणिते/प्रश्ने जलदगतीने सोडवण्याचे सोपे तंत्र (Shortcuts) शिकवले गेले. विद्यार्थ्यांमधील परीक्षेची भीती काढून आत्मविश्वास वाढवण्याचे आणि सकारात्मक दृष्टिकोन निर्माण करण्याचे उपाय. मागील वर्षांच्या प्रश्नपत्रिकांचे विश्लेषण करून महत्त्वाचे घटक कोणते आहेत, याची माहिती देण्यात आली
ग. शि. अ. मा श्रीम सविता परब मॅडम यांनी आपल्या अध्यक्षीय भाषणात, “शिष्यवृत्ती परीक्षा केवळ विद्यार्थ्यांची बौद्धिक क्षमता तपासत नाही, तर त्यांच्या भविष्याच्या वाटचालीस नवी दिशा देते. संघटनेने घेतलेला हा पुढाकार अत्यंत कौतुकास्पद आहे,” असे मत व्यक्त केले.
के. प्र. मा. श्री. लक्ष्मीदास ठाकूर सर यांनी, “शिक्षकांनी या प्रशिक्षणाचा उपयोग करून आपल्या केंद्रातील आणि शाळेतील गुणवत्ता १००% वाढवावी,” असे आवाहन केले.राज्य उपाध्यक्ष श्री देसाई सर यांनी अखिल महाराष्ट्र प्राथमिक शिक्षक संघाची सामाजिक बांधिलकीची भूमिका स्पष्ट केली आणि भविष्यातही विद्यार्थ्यांच्या हितासाठी असे उपक्रम सातत्याने राबवले जातील, अशी ग्वाही दिली या वर्गाला तज्ज्ञ मार्गदर्शक म्हणून श्रीम निलांगी गावडे, महेश पालव,अनिल तालेवार,पंडित मैंद, तेजस बांदिवडेकर, शुभेच्छा सावंत, रोशनी राऊत, महेश सावंत, श्वेता राऊळ यांनी मार्गदर्शन केले
या वर्गाच्या माध्यमातून शिक्षकांना शिष्यवृत्ती परीक्षांच्या तयारीसाठी एक नवी ऊर्जा आणि आवश्यक साहित्य प्राप्त झाले आहे. हा वर्ग यशस्वी करण्यासाठी सावंतवाडी तालुका अध्यक्ष श्री विजय गावडे व सचिव श्री रुपेश परब तसेच तालुका कार्यकारिणीने विशेष परिश्रम घेतले. अखिल महाराष्ट्र प्राथमिक शिक्षक संघ, सावंतवाडीने आयोजित केलेला हा उपक्रम विद्यार्थ्यांच्या उज्ज्वल भविष्याच्या दिशेने एक महत्त्वपूर्ण आणि स्तुत्य पाऊल ठरला आहे.
कार्यक्रमाचे सूत्रसंचालन तालुका महिला अध्यक्षा श्रीम शुभेच्छा सावंत यांनी तर आभार सहसचिव श्री दीपक राऊळ यांनी मानले.
