लांजा प्रतिनिधी: ४२ वी राष्ट्रीय ज्युनियर क्युरोगी व ११ वी पूमसे तायक्वॉंदो चॅम्पियनशिप स्पर्धा कोरमंगला इनडोअर स्टेडियम,बेंगळुरू,कर्नाटक येथे दिनांक ३१ऑक्टोबर ते २ नोव्हेंबर २०२५ रोजी राष्ट्रीय तायक्वॉंदो स्पर्धा होणार आहे. या स्पर्धा करिता लांजा तालुक्यातील तायक्वॉंदो या खेळाच्या राष्ट्रीय पंच तेजस्विनी विरेंद्र आचरेकर यांची निवड करण्यात आली आहे.
तेजस्विनी ह्या मंदरुळ गावच्या कन्या असून त्या सद्या लांजा तालुका येथे वास्तव्यास असून तायक्वॉंदो या खेळाच्या प्रमुख प्रशिक्षिका आहेत त्यांनी लांजा तालुक्यातील विविध ग्रामीण भागात,तसेच लांजा शहरातील गोंडे सखल रोड चॉकलेट ड्रॉप,एकनाथ राणे स्कूल,डी.जे सामंत इंग्लिश मिडीयम स्कूल, सेंटआणे विद्यानिकेतन स्कूल देवधे या सर्व शाळांमध्ये तायक्वॉंदो या खेळाचा तायक्वॉंदो फिटनेस अकॅडमी लांजा च्या अंतर्गत चारशे ते पाचशे विद्यार्थ्यांना प्रशिक्षण देत आहेत तसेच त्या क्रीडा व युवक सेवा संचालनालय महाराष्ट्र राज्य पुणे स्वयंसिद्धा प्रशिक्षिका ही आहेत त्या अंतर्गत त्या नेहमी महिला व मुलींना स्वतःचे स्वसंरक्षण कसे करावे याचे प्रशिक्षण देत असतात,तसेच त्या स्वतः राष्ट्रीय, राज्य, जिल्हा स्तरावर त्यांनी अनेक पदके मिळवली आहेत,याआदी त्यांना सामाजिक शेत्रात व क्रीडा शेत्रात उल्लेखनीय कार्यास खूप सारे पुरस्कार ही त्यांना मिळालेले आहेत.
त्यांच्यायाचं कार्याची दखल घेत त्यांची तायक्वॉंदो असोसिएशन ऑफ महाराष्ट्र व रत्नागिरी तायक्वॉंदो स्पोर्ट असोसिएशन यांच्या वतीने राष्ट्रीय पातळीवर पंच म्हणून निवड केली आली आहे. तसेच त्यांना तायक्वांदो असोसिएशन ऑफ महाराष्ट्राचे अध्यक्ष डॉ. अविनाश बारगजे, सेक्रेटरी मिलिंद पठारे, उपाध्यक्ष प्रविण बोरसे, उपाध्यक्ष धुळीचंद मेश्राम खजिनदार व्यंकटेशराव करृरा, रत्नागिरी जिल्ह्याचे सचिव लक्ष्मण करृरा, कोषाध्यक्ष शशांक घडशी, लांजा पत्रकार संघटनेचे अध्यक्ष सिराज नेवरेकर,तायक्वॉंदो फिटनेस अकॅडमी लांजा चे अध्यक्ष किशोर यादव, उपाध्यक्ष अमोल रेडिज, सहसचिव अनुजा कांबळे, कोषाध्यक्ष तेजस पावसकर, सदस्य रोहित कांबळे, लांजा नगरपंचायत नगर सेवक संजय यादव, कोर्ले ग्रामपंचायत सरपंच गणेशराव साळुंके,ग्रामसेवक तेजस वडवलकर,मंदरुळ गावचे गावप्रमुख परशुराम मासये व समस्त लांजा-राजापूरांनी पुढील वाटचालीस शुभेच्छा दिल्या आहेत.
