सावंतवाडी प्रतिनिधी: ऑन कॉल रक्तदाते संस्था सिंधुदुर्ग या संस्थेतर्फे जवळपास १०० हून अधिक रक्तदाते यांचा आज प्रजासत्ताक दिनी सन्मान गौरव करण्यात आला. सिंधुदुर्ग जिल्ह्यातील सावंतवाडी, दोडामार्ग, वेंगुर्ले, कुडाळ,मालवण, कणकवली आदी भागातील रक्तदाते यांचा सन्मान चिन्ह देऊन गौरव करण्यात आला. या सर्व रक्तदाते यांचा ग्रुप इन्शुरन्स सुरू करण्यात येणार आहे. असे संस्थेचे जिल्हाध्यक्ष सेवानिवृत्त पोलीस अधिकारी दयानंद गवस यांनी स्पष्ट केले.
सावंतवाडी येथील रवींद्र मंगल कार्यालयात ऑन कॉल रक्तदाते सिंधुदुर्ग संस्था १४ जून या जागतिक रक्तदान दिनी संस्था स्थापन करण्यात आली. अवघ्या अल्पावधीत या संस्थेचे एक हजारों अधिक सदस्य झाले आहेत. या संस्थेचा आज रक्तदाते यांचा सन्मान गौरव सोहळा आयोजित करण्यात आला होता. या कार्यक्रमाला प्रमुख पाहुणे गोवा येथील सार्थक फाउंडेशन चे संयोजक सुदेश जी नार्वेकर, सावंतवाडी संस्थांचे युवराज लखम सावंत भोसले, अध्यक्षस्थानी सेवानिवृत्त पोलीस अधिकारी दयानंद गवस, व्ही. व्ही. नाईक,सतीश कविटकर, सचिव बाबली गवंडे, उपाध्यक्ष मीनल सावंत, कार्याध्यक्ष महेश रेमुळकर, खजिनदार सिद्धार्थ पराडकर, सदस्य दिनेश गावडे, बाळकृष्ण राऊळ, सचिन कोंडये, जितेंद्र पंडित, रवींद्र तावडे, सुधीर पराडकर आधी उपस्थित होते.
यावेळी कार्यक्रमाचे दीप प्रज्वलन करून उद्घाटन. श्री नार्वेकर व युवराज लखम सावंत भोसलेयांच्या हस्ते करण्यात आले. यावेळी उद्घाटक व प्रमुख पाहुणे म्हणून बोलताना श्री नार्वेकर म्हणाले ऑन कॉल रक्तदाते संस्था यांचे कार्य कौतुकास्पद आहे. या संस्थेला आपले सर्व सहकार्य राहील सार्थक फाउंडेशन तर्फे तुम्हाला सर्व मदत केली जाईल. व्हीलचेअर या संस्थेला देण्यात येईल असे त्यांनी स्पष्ट केले. यावेळी प्रमुख पाहुणे युवराज लखम सावंत भोसले म्हणाले, ऑन कॉल रक्तदाते संस्था ही या जिल्ह्यात रक्त दान करण्याचे कार्य करत आहे. हे कार्य महान कार्य आहे. या संस्थेला खरंच मनापासून धन्यवाद.
यावेळी संस्थेचे अध्यक्ष सेवानिवृत्त पोलीस उपाधीक्षक दयानंद गवस म्हणाले,ही संस्था सामाजिक हेतूने स्थापन झाली आहे. रक्तदान करणे हे आमचे महत्त्वाचे काम आहे. रक्तदात्यांचे विमा उतरण्याचे काम आम्ही करणार आहोत स्वतःच्या खर्चाने ते गोवा मेडिकल कॉलेज असेल किंवा जिल्हा रुग्णालय येथे रक्तदाते धाव घेतात त्यांचे कौतुक करण्यासारखे आहे. त्यांच्या पाठीशी आम्ही उभे राहणार आहोत. ग्रुप इन्शुरन्स उतरवण्याच्या दृष्टीने आम्ही कार्य हाती घेतले आहे. रक्तदात्यांच्या पाठीशी खंबीरपणे उभे राहून हे कार्य पुढे नेण्याचे आमचे उद्दिष्ट असल्याचे ते म्हणाले. यावेळी जवळपास १५४ रक्तदाते व संस्थांचा सन्मान करण्यात आला. यावेळी महिलांचा हळदी कुंकू कार्यक्रमही झाला. कार्यक्रमाचे सूत्रसंचालन सचिव बाबली गवंडे यांनी केले. तर आभार दिनेश गावडे यांनी मानले. यावेळी मोठ्या संख्येने रक्तदाते नागरिक उपस्थित होते.
