मुंबई प्रतिनिधी: जगभरात प्रतिष्ठेची मानली जाणारी आणि धावपळीच्या जीवनात मुंबईकरांना आणि जगाला सुदृढ आरोग्याचा मार्ग दाखविणारी ‘टाटा मुंबई मॅरेथॉन २०२५’ ही स्पर्धा रविवार दिनांक १९ जानेवारी २०२५ रोजी आयोजित करण्यात आली होती. ‘हर दिल मुंबई’चा नारा देत हजारो मुंबईकर आणि जगभरातील धावपटू यात सहभागी झाले होते. या धावपटूंचा उत्साह वाढविण्यासाठी ध्वनीक्षेपकावर गाणीही वाजविण्यात आली, तसेच मुंबई पोलीस बॅण्डनेही सादरीकरण केले. जगभरात पाच महत्वाच्या मॅरेथॉन आयोजन करणाऱ्या टाटा ग्रुप ची मुंबई मॅरेथॉन म्हणजे रनर चा कुंभ मेळा मनाला जातो. त्याचा प्रत्यय म्हणजे या वर्षी जगभरातून तब्बल ६५००० रनर टाटा मॅरेथॉन धावले. त्यांना सहायक म्हणून जवळपास ३००० पोलीस, ४५० वैद्यकीय टीम असा फोज फाटा तैनात होता.
मुंबई मॅरेथॉनचे यंदा २०वे वर्ष होते. पहाटेच छत्रपती शिवाजी महाराज टर्मिनस (सीएसएमटी) येथून यंदाच्या मॅरेथॉनला महाराष्ट्रा राज्याच्या दिग्गज राजकीय मंडळीनी हिरवा झेंडा दाखवला. मागील वर्षी प्रमाणे या वर्षी सुद्धा सिंधू रनर टीम कडून 7 धावक ४२.२ किलोमीटर आणि 6 धावक २१.१ किलोमीटर अंतर धावण्यासाठी सामील झाले होते. जागतिक दर्जाच्या या मॅरेथॉन मध्ये प्रत्येकाच कल हा आपला उत्कृष्ट्र वेळ नोंदवण्याचा असतॊ. याचे कारण म्हणजे मुबई मॅरेथॉन चा मार्ग हा आझाद मैदान, छत्रपती शिवाजी टर्मिनल कडून सुरु होऊन वरळी सी फेस, वांद्रे वरळी सी लिंक, माहीम, परत वांद्रे, प्रभादेवी, दादर कडून वानखेडे स्टेडियम कडून छत्रपती शिवाजी टर्मिनल असा आहे. म्हणूनच प्रत्येक रनर आपला उत्कृष्ट्र वेळ नोंदवण्याचा प्रयत्न करतो. या मॅरेथॉन मध्ये पण सिंघू रनर टीमची कामगिरी वखडण्याजोगी राहिली. तब्बल ३ धावकांनी ४ तासाच्या आतली वेळ नोंदवली.
प्रत्येक धवकाची वेळ खालील प्रमाणे:
१. नरेश मांडावकर ४२.१९५ किलोमीटर : ३ तास ११ मिनिट
२. भूषण बान्देलकर ४२.१९५ किलोमीटर : ३ तास ४३ मिनिट
३. नार्सिव्ह नागवेंकर ४२.१९५ किलोमीटर : ३ तास ४३ मिनिट
४. पांडुरंग कदम ४२.१९५ किलोमीटर : ४ तास १ मिनिट
५. ओंकार पराडकर ४२.१९५ किलोमीटर : ४ तास ३३ मिनिट
६. श्वेता गावडे ४२.१९५ किलोमीटर : ४ तास ४७ मिनिट
७. सगुण गावडे ४२.१९५ किलोमीटर : ५ तास ४८ मिनिट
८. डॉ सोमनाथ परब २१.१ किलोमीटर : २ तास ३५ मिनिट
९. डॉ संचित खटावकर २१.१ किलोमीटर : २ तास ३७ मिनिट
१०. संतोष पेडणेकर २१.१ किलोमीटर : २ तास १९ मिनिट
११. भूषण साळगावकर २१.१ किलोमीटर : १ तास ५६ मिनिट
१२. प्रकाश चव्हाण २१.१ किलोमीटर : २ तास १८ मिनिट
१३. सतीश दिपनाईक २१.१ किलोमीटर : २ तास ०४ मिनिट
वरील कामगिरीबद्दल या सर्व टीम मेंबर्स चे कौतुक होत आहे. सावंतवाडी संस्थान चे युवराज लखमराजे भोसले, युवराज्ञी सौ श्रद्धाराजे भोसले, सावंतवाडी नगर परिषदेचे माजी मुख्याधिकारी जयंत जावडेकर, डॉ शंतनू तेंडुलकर, डॉ अभिजीत वझे, डॉ मिलिंद खानोलकर, डॉ स्नेहल गोवेकर, डॉक्टर्स अससोसिएशन ऑफ सावंतवाडी तसेच सावंतवाडी रिक्षा चालक मालक संघटना, संतोष नाईक (हुमान राईट्स अससोसिएशन अध्यक्ष सिंधुदुर्ग), देवयानी वरस्कर (दैनिक कोकण साद), सर्व पत्रकार बंधू, डॉ वि. सी. काठाने, डॉ बाबासाहेब पाटील, प्रसिद्ध कब्बडी प्रशिक्षक जावेद शेख, पखवाज अलंकार महेश सावंत आणि दादा परब, नेमबाजी प्रशिक्षक कांचन उपरकर अश्या सर्व मान्यवरांकडून सिंधू रनर टीमचे कौतुक होत आहे. अशीच कामगिरी सिंधू रनर टीम बजावत राहील यात किंचित मात्रहि शंका नाही. अथक र्प्रयत्न करून सिंधू रनर टीमला नामवंत इंटरनॅशनल धावकांच्या यादीत आपले नाव करता आले याचा सिंधू रानर्स टीमला अभिमान आहे. कोकण सारखया कमी साधने, कमी मार्गदर्शन आणि धावणे या खेळा कडे दुर्लक्षित भागात स्वतःच्या जिद्दीने, प्रतिकूल परिस्थिती कष्ट करून त्याने हे यश संपादन केले. या पुढे त्याला योग्य मार्गदर्शक मिळवून, उत्तम ट्रैनिंग देऊन देशाचे प्रतिनिधित्व कसे करता येईल या साठी सिंधू रनर्स टीम प्रयत्नशील राहील.
धावणे या व्ययाम प्रकारा बद्दल जनसामान्यात जागृती करून आपल्या जिल्यात व राज्यात देशाचे नेतृत्व करणारे धावपटू तयार करणे हेच या मागचे उद्धिष्ट आहे. सिंधू रनर टीम ने आता पर्यंत सावंतवाडी १२ तास रन ३ वेळेस, गोवा ते सावंतवाडी १०० किलोमीटर रन २ वेळेस, मालवण ते सावंतवाडी आरमार रन ३ वेळेस, २४ तास स्टेडियम रन, हिमालयन खारडुंगला अल्ट्रा रन ७२ किलोमीटर, देहू ते पंढरपूर २६६ किलोमीटर, टाटा अल्ट्रा मॅरेथॉन, पुणे इंटरनॅशनल मॅरेथॉन, पुणे अल्ट्रा मॅरेथॉन, जम्पिंग गोरिला ट्रेल रन, लोकमत मॅरेथॉन, ठाणे हाफ मॅरेथॉन, टाटा मुंबई मॅरेथॉन, वसई विरार मॅरेथॉन, अदानी अहेमदाबाद मॅरेथॉन, गोवा रिव्हर मॅरेथॉन, कोकण कोस्टल मॅरेथॉन, जगप्रसिद्ध कॉम्रेड मॅरेथॉन 2024 अश्या आणि अनेक रन मध्ये भाग घेऊन आपल्या जिल्याह्याचे नाव जगभरात गाजवले आहे.
