सावंतवाडी (आंबोली): आंबोली- शिक्षण विभाग पंचायत समिती सावंतवाडी व सिंधुदुर्ग डिस्ट्रिक्ट एक्स सर्विसमेन असोसिएशन संचलित सिंधुदुर्ग सैनिक स्कूल आंबोली तालुका सावंतवाडी यांच्या संयुक्त विद्यमाने ५२ वे तालुकास्तरीय विज्ञान प्रदर्शन गुरुवार दिनांक २८ नोव्हेंबर ते शुक्रवार दिनांक २९ नोव्हेंबर २०२४ या कालावधीत सिंधुदुर्ग सैनिक स्कूल आंबोली येथे आयोजित करण्यात आले होते. या तालुकास्तरीय विज्ञान प्रदर्शनाचे उद्घाटन माजी शालेय शिक्षण मंत्री तथा विद्यमान आमदार माननीय दीपक भाई केसरकर यांनी ऑनलाइन पद्धतीने संबोधित करून केले .या उद्घाटन सोहळ्यासाठी जिल्हा परिषद सिंधुदुर्ग चे प्राथमिक शिक्षणाधिकारी डॉ.गणपती कमळकर ,माध्यमिक शिक्षणाधिकारी श्रीम. कविता शिंपी , तालुका गट विकास अधिकारी श्री. वासुदेवानंद नाईक उपशिक्षणाधिकारी आंगणे साहेब, सैनिक स्कूलचे कार्यकारी अध्यक्ष श्री. सुनील राऊळ ,कार्यालयीन सचिव दिपक राऊळ आणि सर्व संचालक मंडळ ,सावंतवाडी तालुका गटसाधन केंद्राचे गट समन्वयक तथा विस्तार अधिकारी श्री. प्रमोद पावसकर, ज्येष्ठ विस्तार अधिकारी लक्ष्मीदास ठाकूर, सैनिक स्कूल प्राचार्य श्री नितीन गावडे, चौकूळ व आंबोली केंद्राचे केंद्रप्रमुख श्री. आर. बी .गावडे ,सावंतवाडी तालुका विज्ञान मंडळाचे तालुकाध्यक्ष श्री. ऋषिकेश गावडे सर्व विस्तार अधिकारी केंद्रप्रमुख, तालुक्यातील बहुतांश शाळांचे मुख्याध्यापक ,शिक्षक ,व विद्यार्थी ग्रामस्थ आणि विज्ञान प्रेमी मोठ्या संख्येने उपस्थित होते. या कार्यक्रमाचे प्रास्ताविक शिक्षण विस्तार अधिकारी लक्ष्मीदास ठाकूर यांनी केले .सैनिक स्कूलच्या बालसैनिकांनी सादर केलेल्या विज्ञान गीत व स्वागत गीतांनी साऱ्यांचीच मने जिंकली. माजी शिक्षण मंत्री दीपक भाई केसरकर यांनी ऑनलाइन पद्धतीने विज्ञान प्रदर्शनास शुभेच्छा दिल्या.
विज्ञान प्रदर्शनाचा मुख्य विषय ‘शाश्वत भविष्यासाठी विज्ञान व तंत्रज्ञान’ हा असून या प्रदर्शनात सावंतवाडी तालुक्यातील प्राथमिक गटासाठी एकूण 52 तर माध्यमिक , व उच्च माध्यमिक गटातून एकूण 31 संशोधक विद्यार्थ्यांनी आपल्या प्रतिकृती विज्ञान प्रतिकृती सादर केलेल्या होत्या. तसेच प्राथमिक, माध्यमिक, व उच्च माध्यमिक शाळेतील शिक्षक व प्रयोगशाळा सहाय्यक व परिचर यांच्याही एकूण १७ विज्ञान प्रतिकृती सादर केलेल्या होत्या .सलग दोन दिवस चालणाऱ्या या विज्ञान प्रदर्शनात दिनांक २८ नोव्हेंबर २०२४ रोजी प्राथमिक गट व माध्यमिक गट अशा दोन गटांमधून विद्यार्थी प्रतिकृती, शिक्षक प्रतिकृती, प्रयोगशाळा सहाय्यक व परिचर प्रतिकृती यांच्या प्रतिकृतीं ची मांडणी व परीक्षण होणार केले गेले. निबंध स्पर्धेसाठी प्राथमिक गटातून एकूण ४५ विद्यार्थ्यांनी सहभाग नोंदवला. तर माध्यमिक गटातून एकूण २५ विद्यार्थ्यांनी आपला निबंध सादर केला .वक्तृत्व स्पर्धेसाठी प्राथमिक गटातून एकूण ३० विद्यार्थ्यांनी सहभाग नोंदवला तर माध्यमिक गटातून एकूण वीस विद्यार्थ्यांनी आपली वक्तृत्व कला सादर केली. शुक्रवार दिनांक २९ नोव्हेंबर रोजी झालेल्या प्रश्नमंजुषा स्पर्धेमध्ये माध्यमिक गटातून एकूण २५ तर प्राथमिक गटातून एकूण २० शाळांनी सहभाग नोंदवला. त्यानंतर झालेल्या बक्षीस वितरण समारंभामध्ये विजेत्या स्पर्धकांना मान्यवरांच्या हस्ते सन्मानित करण्यात आले. तालुकास्तरीय स्पर्धेचे विजेते स्पर्धक जिल्हास्तरीय स्पर्धेमध्ये सावंतवाडी तालुक्याचे प्रतिनिधित्व करणार आहेत. या स्पर्धेच्या बक्षिस वितरण समारंभासाठी तालुका गटशिक्षणाधिकारी श्रीमती सविता परब मॅडम,गट समन्वयक श्री. प्रमोद पावसकर ,चौकूळ आंबोली केंद्राचे केंद्रप्रमुख आर. बी. गावडे, सैनिक स्कूलचे प्राचार्य नितीन गावडे , विज्ञान मंडळाचे संजय शेवाळे, विषयतज्ञ सौ. स्नेहा गावडे, सौ बांदेलकर , शिक्षक, विद्यार्थी, पालक व विज्ञान प्रेमी ग्रामस्थ मोठ्या संख्येने उपस्थित होते. विज्ञान मंडळाचे तालुकाध्यक्ष श्री ऋषिकेश गावडे यांनी आभार मानले.
