सावंतवाडी प्रतिनिधी:
सावंतवाडी भटवाडी येथील महापुरुष मित्रमंडळाने गोविंदा पथक तयार करून पहिल्याच वर्षी पाच थर लावून दिलेली सलामी लक्षवेधी ठरली. अत्यंत कमी वेळेत सराव करून देखील सावंतवाडी शहरातील प्रत्येक ठिकाणच्या दहीहंडी कडे जाऊन पाच थर लावून सलामी दिली. भटवाडी महापुरुष मंडळाच्या या गोविंदा पथकाचे खास वैशिष्ट्य म्हणजे या दहीहंडी उत्साहाच्या मध्ये लहान मुले तरुण व ज्येष्ठांनी सहभाग घेतला होता. पुढच्या वर्षी मात्र हे पथक शहरातील दहीहंडी फोडणाऱ्या स्पर्धेमध्ये पूर्णपणे सज्ज असेल. या पथकाचे संयोजक शेखर सुभेदार, शरद पेडणेकर, संजय पेडणेकर, अशोक पेडणेकर, भटवाडीतील ज्येष्ठ व बालगोपाळांनी हे पथक तयार करण्यासाठी खूप मेहनत घेतली. या पथकातील सर्व स्पर्धकांचे शहरांमध्ये कौतुक होत आहे.