मसुरे प्रतिनिधी: भजनी कलाकारांना न्याय मिळणे तसेच भजन कला अधिक संपन्न व्हावी, वारसा टिकून रहावा यासाठी या संस्थेची स्थापना करण्यात आली आहे. भजन कलाकारांना शासन स्तरावर न्याय मिळवून देण्यात येईल. भजनी कलाकारांनी एकत्र येणे आवश्यक आहे. जिल्ह्यात भजन सदन होण्यासाठी पालकमंत्री नितेश राणे यांच्या कडे मागणी करण्यात आली आहे. भजनी कलाकारांना पंढरपूर पर्यंत पायीचे आयोजन करण्यात आले होते.20-20 डबलबारी भजन बुवांना सुद्धा एकत्र करून काम करण्यात येणार आहे. मालवण तालुका कलाकारांची खाण आहे. प्रत्येक कलाकाराने संस्थेचा सभासद होऊन शासनाच्या योजनाचा लाभ घ्यावा. असे आवाहन भजनी कलाकार संस्था सिंधुदुर्ग चे जिल्हा अध्यक्ष संतोष कानडे यांनी मसूरे येथे केले. “भजनी कलाकार संस्था सिंधुदुर्ग” च्या वतीने मालवण तालुकास्तरीय कार्यशाळेचे आयोजन संस्था अध्यक्ष संतोष कानडे यांच्या अध्यक्षतेखाली भरतगड इंग्लिश मीडियम स्कूल मसुरे मर्डे सभागृहात करण्यात आले होते.त्यावेळी ते बोलत होते. यावेळी व्यासपीठावर उद्योजक डॉ दीपक परब, कामगार नेते प्रकाश परब, कलाकार मानधन समिती सदस्य अजिंक्य पाताडे, सचिव गोपीनाथ लाड, वैभव खानोलकर, सदानंद कसालकर, संतोष मिराशी, योगेश सामंत, तुळशीदास बागवे, संतोष पाताडे, संतोष मसुरकर, मकरंद सावंत, दाजी बांदकर, संजय चव्हाण, बाबाजी भोगले, महेश पालव,सतीश रावराणे, नामदेव गिरकर, पंढरीनाथ मसूरकर, राजेश गावकर आदी उपस्थित होते.
यावेळी भजन क्षेत्रातील जाणकार प्रसिद्ध उद्योजक डॉ. दिपक मुळीक परब म्हणाले, भजन गणपती पुरते राहू नये. भजन कलेमध्ये चांगले कलाकार सिंधुदुर्गात आहेत. तुमच्या कलेवर श्रद्धा ठेवा. 20-20 डबलबारी भजनामध्ये काही ठिकाणी चुकीचे प्रकार होत आहेत. याला निर्बंध बसणे गरजेचे आहे. बोलून मनोरंजन करण्यापेक्षा पारंपरिक भजन करावे. भजन ही पारंपारिक कला जोपासण्यासाठी लवकरच मसूरे गावात भव्य असा भजन महोत्सव आयोजित करण्यात येईल. भजन कला टिकून राहण्यासाठी मुंबई आणि जिल्ह्यामध्ये सुद्धा सर्वते सहकार्य माझ्या कडून मिळेल असे सांगितले.
ज्येष्ठ कामगार नेते आणि मुंबई येथे भजन महोत्सव आयोजित करणारे प्रकाश परब यांनी भजन ही कला परमेश्वराच्या जवळ नेणारी कला आहे. अनेक नवोदित भजनी बुवा, मृदूंग वादक जिल्ह्यात नावारूपास येत आहेत ही चांगली बाब आहे असे संगितले. या संस्थेला भजन रुपी जी काही सेवा यापुढे करायचे असेल त्यासाठी येथील सभागृह आणि जे लागेल ते सहकार्य करण्याचे अभिवचन दिले.
तसेच दत्त गुरूंचे गीत सादर केले. यावेळी वैभव खानोलकर, अजिंक्य पाताडे यांनी उपस्थित भजनी बुवा, कलाकार यांना मार्गदर्शन केले. या समितीचे सचिव गोपीनाथ लाड बुवा यांनी प्रास्ताविक करताना या समितीचे उद्दिष्टे आणि कर्तव्य आणि भविष्यात करावयाची कामे याबाबत उपस्थितांना मार्गदर्शन केले.
मालवण तालुका पत्रकार समिती अध्यक्ष पदी निवड झाल्या बद्दल मसुरे गावचे सुपुत्र पत्रकार दत्तप्रसाद पेडणेकर यांचा अध्यक्ष संतोष कानडे यांच्या हस्ते सत्कार करण्यात आला. यावेळी कलाकार मानधन विमा योजना, कलाकार ओळखपत्र, भजन परंपरा संवर्धन व जतन, भजन कार्यशाळा मार्गदर्शन शिबिर घेणे, शासकीय योजना कलाकारांसाठी आहेत याविषयी शासन दरबारी पाठपुरावा करणे, नवीन सदस्य नोंदणी, ज्येष्ठ कलाकारांना मार्गदर्शन करणे, अशा विविध प्रश्नांसंदर्भात नियोजन करण्यात आले.तसेच शाळेचे सभागृह उपलब्ध करून दिल्या बद्दल भरतगड इंग्लिश मिडीयम स्कुलचे अध्यक्ष कामगार नेते प्रकाश परब यांचे आभार मानण्यात येऊन त्यांचा हृदय सत्कार करण्यात आला. उद्योजक डॉक्टर दीपक परब यांनी आजपर्यंत केलेल्या कार्याची दखल म्हणून या समितीच्या वतीने त्यांचा हृदय सत्कार करण्यात आला. ज्येष्ठ भजन रसिक सामाजिक कार्यकर्ते बाबाजी भोगले,मसुरे देवस्थानचे प्रमुख मानकरी राजू प्रभू गावकर यांचाही यावेळी विशेष गौरव करण्यात आला.
यावेळी अशोक बागवे, महेश हडकर, बाबुराव गोलतकर, आबा तुरी, हिरबा तोंडवळकर, पपू मुळीक, विशू तोंडवळकर, सचिन कातवणकर, गणेश चव्हाण, श्री रुपेश परब, प्रफुल्ल हडकर, स्वप्निल ठाकूर महेश हडकर, बाबुराव गोलतकर लक्ष्मण बागवे सुदर्शन फोपे, कृष्णा बांदकर सदानंद पाटील तुकाराम कांदळकर संजय बानकर आबा तुरी महेश पालव संजय माने लक्ष्मण शिंगरे प्रकाश करंजेकर, मनीष बागवे
तसेच मालवण तालुक्यातील भजनी बुवा, कलाकार बहुसंख्येने उपस्थित होते. प्रस्ताविक गोपीनाथ लाड, सूत्रसंचालन बाबू आंगणे यांनी केले. यावेळी या समितीचे मालवण तालुकास्तरीय समिती करण्याबाबत चर्चा विनिमय करण्यात आली. या कार्यशाळेसाठी भरतगड इंग्लिश मीडियम चे सभागृह या संस्थेचे अध्यक्ष श्री प्रकाश परब यांनी विना मोबदला उपलब्ध करून दिले होते.
