सावंतवाडी प्रतिनिधी: आता नगरपरिषदेची निवडणुक होईलच परंतु सामाजिक बांधिलकी प्रतिष्ठानच्या वतीने येथील जनतेला आम्ही नम्र विनंती करतोय की, मतदान हा केवळ हक्क नसून कर्तव्य आहे. त्यामुळं प्रत्येकाने जबाबदारीने मतदान करा. सामाजिक बांधिलकी प्रतिष्ठानचे अध्यक्ष प्रा.सतीश बागवे, उपाध्यक्ष प्रा.शैलेश नाईक, कार्याध्यक्ष संजय पेडणेकर, सचिव समीरा खलील, रूपा मुद्राळे, संस्थेचे कायदे विषयक सल्लागार वकील अशोक पेडणेकर व या शहरातील प्रतिष्ठित व सेवाभावी व्यक्तिमत्व शैलेशजी पई यांच्या मार्गदर्शनाखाली आम्ही कोरोनाच्या महामारीमध्ये जीवाची परवा न करता रुग्णांची व जनतेची सेवा केली तसेच मागील पाच वर्ष आम्ही सावंतवाडी शहर तसेच बाजूच्या गावातील निराधार, दिव्यांग विद्यार्थ्यांना शैक्षणिक वस्तू व उपकरणे दिली तसचे जिल्ह्यातील आश्रमांना मदत, प्राथमिक शाळांना मदत,गोरगरीब रुग्ण तसेच संकटात असलेल्या व्यक्तींना मदत व आधार देण्याचे काम या संस्थेच्या माध्यमातून केले. पर्यावरण जनजागृती, व्यसनमुक्ती कार्यक्रम राबवले.
त्याचप्रमाणे जनतेसाठी एक मनोरंजनाचा भाग म्हणून भव्य कमी संमेलन तसेच २०२३ मध्ये सांस्कृतिक कार्यक्रम सावंतवाडी मिनी महोत्सव यशस्वीरित्या घेण्यात आला होता. नगरपरिषद कंत्राटी कामगारांना देखील या संस्थेचा मोठा आधार आहे सावंतवाडी तसेच जिल्हा कारागृहामध्ये आरोग्य शिबिर व मनोरंजनात्मक कार्यक्रम राबवले जातात. त्याचप्रमाणे दर वर्षी पावसाळ्यामध्ये आपत्कालीन टीम ची स्थापना करून पावसाळी वादळात रस्त्यावर किव्हा कोणाच्या घरावर पडलेली झाड तोंडून बाजूला करणे, पूरग्रस्तांना मदत करणे, रस्त्यावरील खड्ड्यांमुळे कोणाचा अपघात हाऊ नये म्हणून रस्त्यावरील खंडे बुजावणे,गती रोधकांवर पांढरे पट्टे मारणे तसेच रोड एक्सीडेंटच्या वेळी अपघातग्रस्तांच्या मदतीला धावून त्यांना तात्काळ हॉस्पिटलमध्ये दाखल करणे,त्याचप्रमाणे २४ तास हॉस्पीटलमध्ये रुग्णांना सेवा पुरवणे, हॉस्पिटलमध्ये रुग्णांना मूलभूत सोयी -सुविधा मिळवून देणे तसेच प्रशासनाकडून वेळेत उपलब्ध न होणाऱ्या रुग्णपयोगी वस्तू रुग्णांसाठी उपलब्ध करून देणे तसेच एखाद्या वेळी निराधार रुग्णाचा किंवा बेवारस व्यक्तीचा मृत्यू झाल्यास त्याचा अंतिम विधी करणे,तसेच प्रशासनाच्या मदतीने शहरातील नागरिकांचे प्रश्न सोडविले. आजपर्यंत १० गोरगरीब कुटुंबीयांना शासनाच्या योजनेतून तर २ निराधार कुटुंबाला लोकवर्गणीतून घरे बांधून दिली. दरवर्षी होतकरू विद्यार्थ्यांना या संस्थेतून शैक्षणिक मदत दिली जाते. अजून खूप काही सेवाभावी काम आमच्या सामाजिक बांधिलकी प्रतिष्ठानच्या माध्यमातून प्रामाणिकपणे व जबाबदारीने सुरु आहे आणि याही पुढे अशीच रुग्ण व जनतेची सेवा ईश्वर सेवा समजून करतच राहणार.
मी संस्थेचे अध्यक्ष, पदाधिकारी व सदस्यांच्या वतीने आपणा सर्वांनाच सुख शांती लाभो अशी परमेश्वरा जवळ प्रार्थना करतो. आपण आम्हाला आपली सेवा करण्याची संधी दिली त्याबद्दल आम्ही सर्व आपले मनःपूर्वक आभारी आहोत.
