धुळे: नगाव एज्युकेशन सोसायटी नगाव ता. जि. धुळे अंतर्गत सौ सुशिलाबाई दत्तात्रय भदाणे माध्यमिक व उच्चमाध्यमिक विद्यालय, निमडाळे ता. जि. धुळे ही शाळा चालविली जाते. याचे अहंकारी संस्थाचालक शाळेतील कर्मचाऱ्यांना आर्थिक व मानसिक छळ करीत आहेत. नोकरीवर घेतांना देणगी घ्यायची व पुढे प्रयेक कामास म्हणजे शिक्षक मान्यता घेणे, फरक बिले, ऑडिट, लाईट बील, वाढदिवस, महाशिवरात्रीची यात्रा, गावाची यात्रा, व इतर कुठल्याही खर्चाचे पैसे कर्मचाऱ्यांकडून घेतात. तसेच कर्मचारी रिटायर झाल्यावर त्याचे पेन्शन सुरु करण्यासाठी व अर्जित रजा रोखीकरण तसेच सातव्या वेतन आयोगाच्या फरकाच्या रकमा यासाठी पैशांची मागणी करतात. पैसे न दिल्यास तुमच्या सर्व्हिसमध्ये खंड आहे असे दाखवून देतात. हे असे अनेक प्रकारे छळ या संस्थेमार्फत चालवले जातात. असे अनेक शिक्षकांचे अनेक वर्षांपासून पेन्शन प्रकरणे प्रलंबित आहेत व रकमा संस्थेकडे पडून आहेत. या वरील त्रासाला कंटाळून सेवानिवृत्त मुख्याध्यापक श्री. संप्रति बळसाणे यांनी त्यांची अर्जित रजा रोखीकारणाची रक्कम संस्थेने अडवून ठेवल्याने त्यांनी ऍड.अनुदिप सोनार यांचेमार्फत उच्च न्यायालय खंडपीठ औरंगाबाद येथे (WP/15046) ही रिट याचिका दाखल केली होती. व मा. उच्च न्यायालयाच्या Division Bench चे न्यायमूर्ती मा. वि. भा. कणकणवाडी व मा.एस. जी. चपळगावकर यांनी हे प्रकरण निकाली काढले. त्यात संस्थेने अर्जित रजा रोखीकरणाची रक्कम देण्यास १ वर्ष उशीर केल्यामुळे सदर संस्थेला कोर्टाने १ लाख रुपये दंड हा श्री. संप्रति बाळसाणे यांना २ आठवड्यात देण्याचे आदेशीत केले आहे. तसेच दंडाची रक्कम न भरल्यास संस्थाचालक श्री. राघवेंद्र (रामदादा )मनोहर भदाणे व मुख्याध्यापक श्री. तुळशीदास निंबा अहिरे यांचे विरुद्ध वॉरंट जारी करावे, असे आदेश दिलेले आहेत. तसेच या शिक्षकाकडून लढणारे प्रसिद्ध वकील मा. अनुदिप सोनार साहेब हायकोर्ट औरंगाबाद यांनी ४ महिन्यात प्रकरण निकाली काढून घेतले. त्याबद्दल मा. उच्च न्यायालयाचे व मा. वकील सोनार साहेब यांचे आभार. ही आशा लाचखोर संस्थाचालकास मोठी चपराक मा. उच्च न्यायालयाने दिलेली आहे. तसेच याआदेशाचा फायदा सर्व शिक्षकांना होईल. अशी माहिती सेवानिवृत मुख्याध्यापाक संप्रति बळसाणे यांनी दिली आहे.
Home स्टोरी नगाव एज्युकेशन सोसायटीच्या अहंकारी संस्थाचालकांमुळे शाळेतील कर्मचाऱ्यांचा होतोय आर्थिक व मानसिक छळ…!...